កាលពីថ្ងៃទី០៦ ខែមេសា ឆ្នាំ២០២៦នេះ កម្លាំងជំនាញ ចុះឆែកឆេរទីតាំងសង្ស័យប្រព្រឹត្តអំពើ : ឆបោកតាមប្រព័ន្ធបច្ចេកវិទ្យា (ONLINE SCAMS) ស្ថិតនៅទីតាំង ខុនដូ (ភ្នំពេញកាឡាក់សុីហ្គាដេន) ស្ថិតក្នុងភូមិ បន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។

ក្នុងកិច្ចប្រតិបត្តិការនេះ ក្រុមការងារចម្រុះ បានឃាត់ខ្លួនជនសង្ស័យជាជនបរទេសសរុប ចំនួន ២១៨នាក់ (ស្រី ១០នាក់) មាន ០៦សញ្ជាតិ រួមមាន :

- ជនជាតិចិន ចំនួន ៩៣នាក់ ស្រី ០៣នាក់ (ចិនតៃវ៉ាន់ ចំនួន ០៥នាក់ប្រុស) គ្មានលិខិតឆ្លងដែន ចំនួន ៦១នាក់ ។

- ជនជាតិជប៉ុន (ប្រុស)ចំនួន ០៥នាក់ ។ 

- ជនជាតិវៀតណាម ចំនួន ១៧នាក់ (ស្រី ០១នាក់) គ្មានលិខិតឆ្លងដែន ០៨នាក់។

- ជនជាតិបង់ក្លាដេស ចំនួន ៩១នាក់ (ស្រី ០៤នាក់) គ្មានលិខិតឆ្លងដែន ៣៨នាក់។

- ជនជាតិឡាវ ចំនួន ០១នាក់ (ស្រី) គ្មានលិខិតឆ្លងដែន ។

- ជនជាតិឥណ្ឌា ចំនួន ១១នាក់ (ស្រី ០១នាក់) គ្មានលិខិតឆ្លងដែន ០៦នាក់ ។

យោងតាមការធ្វើកោសល្យវិច្ច័យខាងលើ សម្ភារៈនឹងវត្ថុតាងឧបករណ៍អេឡិចត្រូនិច សន្និដ្ឋានបានថា : ទីតាំងខាងលើជាប់ពាក់ព័ន្ធអំពើ ឆបោកតាមប្រព័ន្ធបច្ចេកវិទ្យា (ONLINE SCAMS) ក្រោមរូបភាពក្លែងបន្លំជា នគរបាលប្រទេសជប៉ុន គោលដៅជនជាតិជប៉ុន គឺ(ឆបោក)ក្រោមរូបភាពលួងលោមស្នេហា (ROMANCE SCAMS) និង ឆបោកក្រោមរូបភាពវិនិយោគ គោលដៅគឺ ប្រទេសប៉ាគីស្ថាន , បង់ក្លាដេស និង ប្រទេសវៀតណាម។ 

ដោយទទួលបានគោលការណ៍ណែនាំពី លោក ជា សា ព្រះរាជអាជ្ញារង នៃអយ្យការអមសាលា ដំបូងរាជធានីភ្នំពេញ បានសម្រេច ចំពោះជនបរទេសចំនួន ២១៨នាក់ ស្រី ១០នាក់ រួមនិងសម្ភារៈវត្ថុតាង ប្រគល់ជូន ស្នងការដ្ឋាននគរបាលរាជធានីភ្នំពេញ ដើម្បីចាត់ការបន្តនីតិវិធីច្បាប់៕