តារាចម្រៀងដ៏ស្រស់សោភា កញ្ញា រ៉ាប៊ី ម្ចាស់បទ«មាន់ស្រែ»ដ៏មានឈ្មោះបោះសំឡេង បានប្រកាសថ្ងៃរៀបការជាផ្លូវការជាមិត្តប្រុសដែលត្រូវបានគេស្គាល់ថាជាកីឡាករបាល់ទាត់រូបសង្ហាកូនខ្មែរកាត់អាមេរិក លោក Nick Taylor នៅខែក្រោយនេះ ដោយដំណឹងដ៏ពិសេសមួយនេះបានធ្វើឲ្យអ្នកគាំទ្រជាច្រើនមានការភ្ញាក់ផ្អើល និងរំភើបចិត្តយ៉ាងខ្លាំង។

ក្នុងនោះតាមរយៈវីដេអូឃ្លីបដែលចែកចាយក្នុងបណ្ដាញសង្គមរបស់ កញ្ញ រ៉ាប៊ី បានភ្ជាប់ជាមួយខ្លឹមសារបែបនេះថា៖ «ម្នាក់នេះធ្វើអោយខ្ញុំស្គាល់អ្វីជាស្នេហាជួបគ្នាថ្ងៃ០៩/០៥/២០២៥ណា bye bye ភាពនៅលីវ» ក្នុងវីដេអូប្រមាណជាជិត១នាទីនេះគឺទទួលបានអ្នកចុចចូលទស្សនា និងស៊ែរចែករំលែកភ្លួកទឹកភ្លួកដីពីសំណាក់អ្នកគាំទ្រគូរស្នេហ៍មួយគូរនេះ ថាពិតជាសាកសមជាទីបំផុត ព្រមទាំងបានចូលទៅខមិនអបអរសាទរដល់អ្នកទាំងពីរជាច្រើនហូរហែរ។

គួររំលឹកផងដែរថា កញ្ញា រ៉ាប៊ី និងគូស្នេហ៍ លោក Nick Taylor បានមានទំនាក់ទំនងស្នេហាដោយបើកចំហរជាសាធារណៈ និងក្លាយជាគូស្នេហ៍នឹងគ្នាជាង ២ឆ្នាំមកហើយ ដោយអ្នកទាំងពីរតែងតែបង្ហាញភាពផ្អែមល្ហែមស្និតស្នាលនៅក្នុងបណ្ដាញសង្គម និងនៅតាមកម្មវិធីសម្ភាសន៍នានា បន្ថែមពីនេះ កញ្ញា រ៉ាប៊ី ក៏ធ្លាប់បានត្រូវគូស្នេហ៍លុតជង្គង់សុំកញ្ញារៀបការនៅលើឆាកនៅមុខអ្នកគាំទ្ររាប់រយនាក់ក្នុងកម្មវិធីមួយផងដែរ៕ សម្រួលដោយ៖ Sun Darasy