សិល្បករ សិល្បការិនី នាយកដ្ឋានសិល្បៈទស្សនីយភាព ចូលរួមសម្តែងក្នុងកម្មវិធី «ដំណើរទេសចរណ៍វប្បធម៌ខេត្តហូណាន» នៅខេត្តហូណាន ប្រទេសចិន។

តាមការអញ្ជើញរបស់សមាគមជំរុញឧស្សាហ៍ហកម្មវប្បធម៌និងទេសចរណ៍កម្ពុជា-ចិន និងដោយមានការអនុញ្ញាតជាគោលការណ៍ពីថ្នាក់ដឹកនាំក្រសួងវប្បធម៌និងវិចិត្រសិល្បៈ សិល្បករ សិល្បការិនី នៃនាយកដ្ឋានសិល្បៈទស្សនីយភាព បានចូលរួមសម្តែងក្នុងកម្មវិធី ដំណើរទេសចរណ៍វប្បធម៌ខេត្តហូណាន " នៅខេត្តហូណាន ប្រទេសចិន។

កម្មវិធីនេះបានប្រព្រឹត្តិទៅចាប់ពីថ្ងៃទី១១ ដល់ថ្ងៃទី១៦ ខែមេសា ឆ្នាំ ២០២៥ នៅបរិវេណភ្នំធានមិន (Tianmen Mountain) ខេត្តហូណាន ប្រទេសចិន។

កម្មវិធី «ដំណើរទេសចរណ៍វប្បធម៌ខេត្តហូណាន» គឺជាផ្នែកមួយក្នុងការជម្រុញសកម្មភាពទេសចរណ៍ លើកកម្ពស់តម្លៃសិល្បៈវប្បធម៌ និងប្រពៃណីខ្មែរតាមរយៈការសម្តែងសិល្បៈចម្រុះរបស់កម្ពុជា ក៏ដូចជាពង្រឹងទំនាក់ទំនងមិត្តភាព និងកិច្ចសហប្រតិបត្តិការរវាងកម្ពុជា-ចិនឱ្យកាន់តែរឹងមាំថែមទៀត៕