គិតត្រឹមពីម៉ោង១៤ និង០០នាទីថ្ងៃទី១៤ ដល់ម៉ោងដដែលថ្ងៃទី១៥ ខែមេសា ឆ្នាំ២០២៥ គ្រោះថ្នាក់ចរាចរណ៍ផ្លូវគោកនៅទូទាំងប្រទេសកម្ពុជាបានកើតឡើងចំនួន ១៣លើក បណ្តាលឲ្យមនុស្សស្លាប់ ៩នាក់, រងរបួសធ្ងន់ស្រាលសរុប ២០នាក់។ 

នេះបើយោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញផ្សាយដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ នៅថ្ងៃទី១៥ ខែមេសា ឆ្នាំ២០២៥។

របាយការណ៍ដដែលបានបញ្ជាក់ថា មូលហេតុដែលបង្កឲ្យមានគ្រោះថ្នាក់ចរាចរណ៍រួមមាន៖ ល្មើសល្បឿន, មិនគោរពសិទ្ធ, មិនប្រកាន់ស្តាំ, និងបើកបរក្នុងស្ថានភាពស្រវឹងផងដែរ ៕