Barron William Trump កើតថ្ងៃទី ២០ ខែមីនា ឆ្នាំ ២០០៦ មានកម្ពស់ ២.០១ម៉ែត្រ គឺជាកូនប្រុសពៅរបស់ Donald Trump ដែលជាប្រធានាធិបតីទី ៤៥និងទី ៤៧ របស់សហរដ្ឋអាមេរិក និងភរិយាទី ៣ របស់គាត់គឺលោកស្រី Melania Trump ។ Barron Trump រស់នៅលើផ្ទៃដីទំហំ ៨០ពាន់ម៉ែត្រការ៉េ ធ្វើដំណើរតាមយន្តហោះឯកជន និងមានអង្គរក្សផ្ទាល់ខ្លួនដែលអមគាត់ទៅសាលារៀន និងចេញពីសាលារៀនវិញ។ លោកTrump មិនបានជួលម៉ែដោះសម្រាប់មើលថែ Barron ទេ តែផ្ទុយទៅវិញគាត់បានទទួលបន្ទុកទៅលើការថែរក្សាបីបាច់ ជួយអភិវឌ្ឍ Barron​ ឲ្យឯករាជ្យតាំងពីគាត់នៅក្មេង។ លោក Trumpបានប្រាប់ទៅ Barron ថាកុំប្រើគ្រឿងញៀន កុំជក់បារី កុំផឹកស្រា កុំចាក់សាក់ ហើយត្រូវតែទទួលបាននិន្ទេសល្អបំផុតលើអ្វីគ្រប់យ៉ាងដែលអ្នកធ្វើ។

Barron គឺជាតួអង្គនយោបាយកំឡុងពេលកាន់តំណែងជាប្រធានាធិបតីដំបូងរបស់ឪពុកខ្លួន ដោយទាក់ទាញការចាប់អារម្មណ៍ពីប្រព័ន្ធផ្សព្វផ្សាយ ទោះបីជាលោកស្រី Melania ព្យាយាមដើម្បីឲ្យកូនប្រុសរបស់គាត់ឃ្លាតឆ្ងាយពីនយោបាយក៏ដោយ។ លើពីនេះទៅទៀត Barronត្រូវបានគេចាត់ទុកថា ជាមនុស្សដែលស្រដៀងនឹងលោក Trump ជាងកូនណាៗទាំងអស់របស់គាត់។ លោក Donald Trump បានលើកឡើងជាច្រើនដងពី Barron ក្នុងអំឡុងពេលយុទ្ធនាការប្រធានាធិបតី ដោយគេជឿថា Barronគឺជាកូនសំណព្វរបស់លោក Trump។

បន្ទាប់ពីការចាកចេញរបស់ឪពុកខ្លួនពីសេតវិមាន Barron បានផ្លាស់ទៅរដ្ឋផ្លរីដា ហើយបានបញ្ចប់ការសិក្សានៅខែឧសភា ឆ្នាំ ២០២៤ ពី Oxbridge Academy នៅ West Palm Beach ។ ការកើនឡើងនៃការបោះឆ្នោតរបស់គណបក្សសាធារណរដ្ឋដោយយុវជនមួយផ្នែកក៏មានការរួមចំណែកនូវមតិយោបល់របស់ Barron ចំពោះយុទ្ធនាការអំពីការទាក់ទងអ្នកធ្វើមាតិកាpodcast និងអ្នកមានឥទ្ធិពលលើអ៊ីនធឺណែតផងដែរ៕