ប្រទេសចិនកាលពីថ្ងៃសុក្របានសងសឹកប្រឆាំងនឹងពន្ធគយទៅវិញទៅមករបស់ប្រធានាធិបតីអាម៉េរិក Donald Trump ដោយការដំឡើងពន្ធរបស់ខ្លួនលើទំនិញអាមេរិកដល់ ១២៥% ពី ៨៤% នេះបើយោងតាមសេចក្តីថ្លែងការណ៍ពីគណៈកម្មការពន្ធគយនៃក្រុមប្រឹក្សារដ្ឋចិន។

នៅក្នុងការផ្លាស់ប្តូរ tit-for-tat ប្រទេសចិនបាននិយាយថា ខ្លួននឹងដាក់ពន្ធ ១២៥% លើទំនិញរបស់សហរដ្ឋអាមេរិកចាប់ពីថ្ងៃសៅរ៍ ពោលគឺកើនឡើងពី ៨៤% ពីមុន ក្រសួងហិរញ្ញវត្ថុបានប្រកាសកាលពីថ្ងៃសុក្រ។

គណៈកម្មការពន្ធរបស់ក្រុមប្រឹក្សារដ្ឋរបស់ទីក្រុងប៉េកាំងបាននិយាយនៅក្នុងសេចក្តីថ្លែងការណ៍របស់ក្រសួងហិរញ្ញវត្ថុថា "ការដាក់ពន្ធខ្ពស់មិនធម្មតារបស់សហរដ្ឋអាមេរិកលើប្រទេសចិនបានបំពានយ៉ាងធ្ងន់ធ្ងរដល់ច្បាប់ពាណិជ្ជកម្មអន្តរជាតិ ច្បាប់សេដ្ឋកិច្ចជាមូលដ្ឋាន និងសុភវិនិច្ឆ័យ" ដោយបន្ថែមថា ពន្ធថ្មីចូលជាធរមាននៅថ្ងៃសៅរ៍។

ចំណាត់ការនេះធ្វើឡើងបន្ទាប់ពីការសម្រេចចិត្តរបស់ប្រធានាធិបតីអាមេរិក Donald Trump ក្នុងការតម្លើងពន្ធលើទំនិញរបស់ចិនដល់ ១៤៥% ដែលជំរុញឱ្យមានសង្គ្រាមពាណិជ្ជកម្មដែលគំរាមកំហែងដល់ការបង្កើនខ្សែសង្វាក់ផ្គត់ផ្គង់ពិភពលោក។

សេតវិមានបានរក្សាសម្ពាធលើមហាអំណាចសេដ្ឋកិច្ចទីពីររបស់ពិភពលោក និងអ្នកផ្គត់ផ្គង់ធំបំផុតទីពីរនៃការនាំចូលរបស់សហរដ្ឋអាមេរិក៕

ប្រែសម្រួល៖ ផល្លីកា